時下興文青Style，不論你著白裇衫又好，戴圓眼鏡都好，都不及隨時拎住本書咁文青度爆燈！如果你仲可以做到用本書遮住對眼嚟瞓覺，十足漫畫同劇集啲男主角咁，包保喜歡文青型嘅女仔見到你瞓覺個樣實一地都係水！我指口水！於是繼尋日介紹個「腳趾尾頭盔」後，日本多摩美術大學嘅網友よしだ（@five1996）又有一個創意發明「書本眼罩」，滿足想成為文青嘅你！

網友よしだ所設計嘅「書本眼罩」一邊係書，而另一邊就係布面，等你瞓覺時可以舒舒服服瞓得好之餘，仲可以扮下嘢引下女女！