自從迪士尼宣佈會開拍真人版《花木蘭》之後，多次傳出會由《美人魚》嘅林允、《臥虎藏龍2》嘅劉承羽等人擔任木蘭一角，不過迪士尼最終決定，由劉亦菲擔當主角，另外仲有甄子丹、鞏利同埋李連杰會共同參演，認真大卡士！

不過劉亦菲嘅戀人、亦即係《花木蘭》真人版嘅男主角遲遲未公開，而最近，Hollywood Reporter獨家報導，《花木蘭》真人版嘅男主角決定由紐西蘭華裔演員Yoson An演出！

Yoson An係一個中國出生嘅紐西蘭華裔演員，佢出演過HBO影集、《臥虎藏龍2：青冥寶劍》等等，而佢今次就被迪士尼選中演出《花木蘭》真人版電影原創角色Chen Honghui（陳洪輝），佢嘅角色設定同花木蘭一樣，都係一個新被招募嘅士兵，最終會成為花木蘭最重要嘅盟友以及戀人。

而《花木蘭》真人版電影將預定於今年8月起，喺中國同紐西蘭拍攝，並於2020年3月27日上映。