{ SKIP }
文:米  圖:互聯網
POSTED ON 05 Jul 2018

之前一直同大家update《銀魂2 掟は破るためにこそある》(銀魂2 規定就是為了被打破而存在的)真人版電影嘅消息,得知主演角色冇換人,繼續由小栗旬、菅田將暉同埋橋本環奈擔當;另外今次電影內容係改編自原作中「將軍接待篇」同埋「真選組動亂篇」兩個章節,粉絲們知道都不知幾興奮!

而早前,官方仲釋出第一張《銀魂2》真人版電影劇照,就係坂田銀時欠繳房租被登勢追到通街跑嘅畫面,睇見新八同神樂都要跟住跑個樣,的確係幾鬼Funny。

不過相信大家對《銀魂2》真人版電影最期待嘅,應該係柳樂優彌所飾演嘅真選組副長「土方十四郎」宅化後嘅「宅十四」(トッシー)嘅登場!話晒動畫睇時「宅十四」表現咁出眾,大家當然會想知真人版時「宅十四」到底會變成點啦!

「宅十四」其實係「土方十四郎」另一個人格,佢第一次出場正正就係「真選組動亂篇」當中,單睇呢張造型照,都覺得柳樂優彌神還原「宅十四」嘅神韻,好期待到時柳樂優彌嘅演出呀!

如果遲下佢會推出到日本全國都有得賣就好喇!
gags
日本Calbee新出史上最厚薯片
16 Nov 2018
呢次大家不如試下唔講個_字,試下講︰「Fashion嘅嘢真係識條腸」丫!
gags
大腸也Fashion 日本浣腸劑製造商力推「大腸圍巾」
13 Nov 2018