VILLAGE VANGUARD成日都有特別嘅商品推出，最近佢就賣緊日本可愛又性感嘅品牌「MOIRA DESIGN」新推出嘅「兔耳護士史庫水」。「兔耳護士史庫水」出自設計師口枷屋モイラ之手，口枷屋モイラ多次設計出獨特嘅史庫水，例如︰「水手服X史庫水」、「女僕裝X史庫水」、「旗袍X史庫水」等等，而今次佢嘅作品簡直係挑戰最萌境界，一次過集合兔仔、護士、史庫水三大萌爆元素！

「兔耳護士史庫水」（ウサミミナーススク水）以護士服上衣+學校泳衣+護士帽+兔耳+兔尾巴5個組合為一套，單品可以分開使用又得，襯埋一齊又得。顏色方面有黑白兩色，尺寸有S-M碼，身高145-170cm左右嘅女仔都啱著。

目前「兔耳護士史庫水」售價2萬5000日圓，有興趣買畀女朋友嘅巴打可以去VILLAGE VANGUARD度睇睇。