厚切薯片已經唔係啲咩新鮮嘢，不過厚到好似薯塊咁嘅「薯片」，就認真新奇！日本Calbee就新推出號稱「Calbee史上最厚」嘅超厚切薯片，包裝上仲話係「好似金幣一樣嘅薯片」。其實呢款Calbee史上最厚薯片「ポテトデラックス」係由11月12日開始喺日本信越地區限定推出，不過由於佢厚到一個點實在太新奇，所以喺網上造成話題。

「ポテトデラックス」一共有鹽味同胡椒味兩種口味，厚度大約係薯片嘅3倍厚度。至於口感如何？Twitter上就有啲食過嘅網民話，「ポテトデラックス」食落外層比較硬、內層就好酥脆，真係好想試一試呀！