{ SKIP }
文:米  圖:互聯網
POSTED ON 05 Dec 2018

喺未睇《翻生侏羅館》呢套電影前,大家可能會覺得夜晚嘅博物館非常陰森恐怖,但睇完《翻生侏羅館》呢套電影之後,又有冇啲心思思想喺閉館後嘅博物館裡面探下險先?日本嘅「奥出雲多根自然博物館」就可以滿足到你嘅冒險家精神,皆因佢係全日本唯一一間可以畀你住嘅博物館!

奧出雲多根自然博物館有30年歷史,最大特色係有種類豐富嘅恐龍化石以及恐龍時代生物展示,佢除咗提供住宿服務之外,仲會提供住宿者限定嘅夜晚博物館之旅。博物館會免費提供住宿者電筒同望遠鏡,等佢哋可以喺閉館後於博物館裡面探險,而且展出空間都會有夜晚限定嘅點燈服務。

而住宿方面,就同一般日本商務旅館冇太大分別,有共用嘅沖涼空間,另外仲設有溫泉設施「奧出雲美肌溫泉郷 佐白溫泉 長者の湯」。

雖然奧出雲多根自然博物館位置較偏遠,但呢個難得嘅體驗又真係值得特登去試一試佢!

如果巴打平時鍾意食拉麵,又鍾意食日式叉燒,不妨去千葉呢間拉麵店「ラーメンダイニング絆」試試佢!
gags
食肉獸必試!日本重量級「銀河叉燒拉麵」
27 Jun 2019
有冇勇者可以試試佢先?!
gags
日本惡搞品客薯片!自製「薄荷朱古力」新口味
24 Jun 2019