上個禮拜我都仲鬧緊點解就黎到12月個天都仲係咁熱，結果一踏入12月就即刻凍到我「Tee Tee震」！計我話齋冬天最難搞嘅就係朝頭早起身返工，先唔好講「離開被竇」呢個難度十足、閒閒地都要玩返三、五、七個字嘅艱鉅任務，淨係講「醒」都已經夠困難啦！

個人都未醒，但隻手識得拍熄個鬧鐘繼續瞓呢家嘢大家都試過，但有咩方法可以避免呢種情形而浪費寶貴嘅病假呢？以下我就比個好建議你－搵台妹叫醒你！

首頁。可以看到已設定的鬧鐘。

設定時間的畫面，與其他鬧鍾APP分別不大。按下中間的頭像就可以選擇影音

超多選擇！其中大家比較熟識的有之前以性感穿著煮嘢食嘅Miss TaTa和外拍模特兒「Q尼」郭珉妏。

揀咗人都仲有多款唔同影音，有叫你起身、約會提醒、仲有啲係叫你交水電煤添，真係咩情況都用得著！

鬧鐘響的瞬間！「貪睡」即係重鬧功能，隔幾分鐘又會再響過。「起床」就當然係熄Q咗個鬧鐘佢…

不過佢有個好邪惡嘅「遊戲功能」，如果開咗，就算你揀「起床」，都仲要猜贏包剪槌個鬧鐘先識停！