上次MenClub Post「若隱若現更興奮！日本『妄想乳溝T恤』」呢篇文，喺Facebook有成1.7k個Like，大家除咗怒Tag女友話要送畀佢之外，唔少人都好好奇有冇男裝版可以畀一眾巴打扮下大隻仔！貼心嘅日本品牌「ekoD Works」當然唔會齋益巴打嘅眼球淨係出女裝「妄想乳溝T恤」，佢哋仲照顧埋女女嘅需求，推出男裝「妄想爆肌T恤」，等佢哋望住男友時都可以大飽眼福！

若隱若現「妄想爆肌T恤」(うっすらと筋肉が見える妄想マッピングＴシャツ)同樣地同之前推出嘅T恤款圖案一樣，只不過將整體彩度同透明度調低，令到胸肌同腹肌都有微微透出嚟嘅效果，相比起舊款自然得多。

目前「妄想爆肌T恤」喺「ekoD Works」網站進行預約販售，售價同樣大約3888日幣，想買嘅巴打襯夏天嚟到仲唔乘機Show肌？！