{ SKIP }
文:米  圖:互聯網
POSTED ON 15 Jul 2019

作為貓奴,貓咪露肚肚係「表示友好」呢啲基本嘢唔使講都知啦~但點解有時貓咪明明呢頭對你反完肚,轉頭伸手摸佢肚仔時又要兇9你呢?好多時大家都會認為貓咪性格就係咁反覆無常摸唔透,失驚無神抓你又有幾閒丫,但University of Pennsylvania獸醫學院嘅動物行為學家Lena Provoost就話你聽,實情未必係咁,貓咪露肚肚唔一定係向你展示友好,亦有可能包含其他意思。

Lena喺接受《國家地理》雜誌專訪時曾經講過,貓咪露肚肚唔一定係想你摸,亦有可能係表達其他情感,一齊睇下貓咪露肚肚有邊4大含意啦!


1.嬉戲玩鬧
貓咪有時翻肚肚可能係想玩,佢會四腳朝天,盡可能地用四肢去觸碰玩具或者主人,呢個時候掂佢可能佢會因為肉緊得際而唔小心抓傷飼主。

2.懷有戒心
貓咪露出肚仔有時係為咗展示牙齒同爪,表示佢具有攻擊性。如果貓咪翻肚仔嘅同時有「飛機耳」或者哈氣,咁可能係處於極度不安嘅狀態。

3.發情
如果貓咪仲未絕育,咁佢翻肚仔可能係對另一隻貓咪嘅發情行為。

4.放鬆及信任
如果貓咪係喺瞓覺嘅狀態下翻肚仔,咁表示佢真係處於一個好放鬆好自在嘅狀態。

Lena同時提醒大家,如果唔確定貓咪露肚仔係咩意思嘅時候,可以先用手背慢慢地伸向貓咪嘅肚仔,觀察一下佢嘅反應,如果牠哈氣或試圖抓你,咁就唔好再試喇。

【奇趣】邊食糖邊Cosplay!日本出禰豆子竹筒造型奶嘴糖 《鬼滅之刃》角色禰豆子形象可愛大受歡迎,最令人印象深刻嘅特徵莫過於長期口咬竹筒,更吸引過唔少網友口咬青瓜或綠色香蕉,試圖「低成本Cosplay」 ...
gags
【奇趣】邊食糖邊Cosplay!日本出禰豆子竹筒造型奶嘴糖
22 Nov 2021
相信唔少朋友細個都玩過「他媽哥池」呢類電子寵物,每日就係重覆開燈熄燈陪玩餵食執屎幾個動作,望住螢幕嗰幾粒像素郁下郁下已經非常開心。但隨住科技發展,依家嘅電子寵物唔單只有彩色畫面,仲可以真係「摸」到! ...
gags
【玩物】神秘柔彈觸感!可以「摸」嘅電子寵物Punirunes
05 Nov 2021