{ SKIP }
文:米  圖:互聯網
POSTED ON 16 Jul 2019

睇過神劇《求婚大作戰》嘅巴打都一定會對經典插曲《小小戀歌》有印象!睇住山P努力地為愛而跑嘅時候,配上熱血嘅《小小戀歌》,認真冇得輸!不過唔講唔知,其實《小小戀歌》(日語:小さな恋のうた)係沖繩縣出身嘅日本樂隊MONGOL800嘅一首歌曲作品,收錄於該樂隊第2張錄音室專輯《MESSAGE》中,係MONGOL800最具代表性的歌曲之一。而2007年,《小小戀歌》被山下智久同長澤正美主演嘅《求婚大作戰》中,選為與劇情相關嘅插曲後,再一次掀起《小小戀歌》嘅熱潮。

喺上年6月日本就有傳會以《小小戀歌》呢首歌曲作為主題,改編成真人版電影,不過當時未有太多消息透露,估唔到隔咗一年左右再update,發覺《小小戀歌》電影喺今年5月底經已喺日本上映!

聽聞真人電影版《小小戀歌》以一班懷抱住音樂夢嘅沖繩高中生為主角,主要卡司有佐野勇斗、森永悠希、山田杏奈、真榮田鄉敦、鈴木仁等新一代演員。故事講述呢班年青人一直盼望有日可以以音樂跨出沖繩,傳遞到東京。只不過喺一帆風順之際,呢個夢想就被一場車禍所中斷……車禍發生後分崩離析嘅眾人,喺一次機緣巧合下,一齊以「小さな恋のうたバンド(小小戀歌樂團)」名義再次出發。呢次佢哋嘅歌聲唔單只要去到東京,更要傳達畀天堂上嘅好朋友,以及一位隨父母派駐而嚟到日本嘅美國女孩……

雖然《小小戀歌》電影版劇情好似好老套咁,但衝著《小小戀歌》呢首歌,都仲係會好想睇!有冇人知究竟邊度可以睇得返!

唔少人都鍾意喺夏天曬下太陽,換得一身古銅色肌膚,同時促進身體產生更多維他命D,有益健康。不過,最近TikTok就流行一種另類日光浴「曬會陰」(Perineum Sunning),顧名思義即係對住個太陽腿張開,聲稱能夠改善睡 ...
gags
【趣聞】TikTok瘋傳「曬會陰」運動 聲稱能改善睡眠增強性慾
06 Oct 2022
相信每個有玩LEGO嘅人(又或者小朋友有玩),都會試過唔小心整跌咗幾粒LEGO落地,然後又一個唔覺意踩到,嗰下無情力加上地球嘅地心吸力,再加埋宇宙間嘅萬有引力,真係會痛到忍唔到_出聲,疼痛程度絕對堪比腳趾尾撞牆 ...
gags
【趣聞】踩中邊款LEGO最痛?日本網民認為係...
22 Sep 2022