香港近日迎來第三波疫情，市面出現多個感染群組，又船P群組又酒樓群組又盛咁，不過要論個名嘅霸氣程度，就點都唔及日本北海道嘅十幾位感染者，因為佢哋可以被稱為「飲奶群組」或者「瀨嘢群組」！

圖片：Wikipedia

件事就咁嘅，話說北海道於7月16日為止，有12名肺炎感染者都係因為曾經去過札幌市嘅紅燈區「不夜城薄野(すすきの)」後被感染，而且佢哋唔係經過就瀨嘢咁唔好彩，傳聞中佢哋真係「瀨」過某啲嘢。

據台灣媒體報導，佢哋全部都係幫襯過當地一間風俗店、接受過同一位小姐嘅服務後中招。而據知呢間風俗提供一種名為「親親乳頭」嘅服務，顧名思義就係人客可以親吻小姐嘅心口某一點，但由於某位顧客患上肺炎後去幫襯，病毒就殘留於小姐嘅「一點」之上，後續人客再享用相同服務就真係瀨咗嘢啦！

報導又指，該名紅牌小姐於兩週內可能接觸過近600名客人，亦即有可能被感染人數隨時數以百計。至於你問點解啲小姐唔做好消毒措施？據媒體引述知情人士指，由於用酒精消毒後皮膚會變得乾燥，假如小姐頻繁使用再提供服務，有可能會磨到出血喎。

圖片：Wikipedia

而根據日本媒體最新報導，札幌市到25日為止有36名確診者與「すすきの」」地區有關，分別來自16間店。