香港的明將壽司堪稱劣食界之王，其地位穩如泰山，So Far都冇壽司可以比得上。繼早前網上有人Post超級市場推出燒味壽司後，終於見對明將的挑戰亮起一線曙光！但燒味壽司奇怪歸奇怪，講到尾，咪又係迷你燒味飯，食落肚點都好過紅豆軍艦嘅。

不過近日網上又流傳新壽司，認真嚇親人，論可怕程度，Mean娜覺得完全可以超越明將！皆因呢個唔係普通壽司咁簡單，而係......昆。蟲。壽。司。

泰國人一向鍾意油炸食品，而炸昆蟲又或者燒昆蟲更係佢哋最愛之一。咪以為日本人先係創意民族，其實泰國一樣唔輸蝕。平時就咁食昆蟲，已經太平凡，於是佢哋就融合了日本的美食——壽司，整出昆蟲壽司呢種創意料理，仲一啲都唔馬虎，有埋青蔥、醬汁等等配料。一齊睇吓呢啲壽司有幾得人驚啦！