有拍拖經驗嘅巴打都應該知道，女人就係鍾意問埋晒啲奇怪問題去難為你，例如最經典嘅︰「如果我同你阿媽一齊跌落水，你會救邊個先？」你答佢救佢先，佢又會話你不孝，阿媽都唔理；你答佢救阿媽先，佢又會話你唔愛佢，真係點答都死。除咗呢條問題，仲有唔少難題，每個都挑戰你極限同考驗你智慧，比如︰「你有幾愛我？」、「嗰個女仔靚唔靚」之類。

網上就有網民為此而整合咗對付女朋友難題的應對措施，一齊睇吓！

女：「你第日會唔會有第三者？」
男：「如果老婆（或女友）係你就唔會。」
女：「如果唔係我呢？」
男：「咁個第三者就係你。」

女：「如果有日我哋分手，你會點樣呀？」
男：「我會去搵前女友復合。」
女：「點解呀？」
男：「因為分手之後你就係我前女友。」

女：「我喺你心目中有幾重要？」
男：「再重我都要。」

女︰「你會愛我幾耐？」
男︰「葬喺你身邊夠唔夠？」