一到夏天就寧舍多蚊蟲滋生，特別如果你屋企住得近垃圾房，就更加濕滯，就算冇大大隻嘅昆蟲例如烏繩、小強、淨係啲細細粒嘅果蠅都夠煩死人，有時飯都未食完，啲果蠅已經撲到埋身係咁纏住你啲食物，唔講仲以為自己喺堆填區食緊飯，認真坎坷！最慘係啲果蠅沒完沒了，周圍出沒，殺得呢邊幾隻，又殺唔到嗰邊幾隻，真係令人好崩潰！

不過原來殺飛飛唔使自己出手，更加唔使用劍嘅，只要準備糖、醋、杯、勁幼飲管同保鮮紙，就可以令飛飛自投羅網！