早前冨樫喪呻腰痛，冇耐《少年JUMP》就宣佈獵人又要休刊，正當大家都打定輸數，諗住死後點叫子孫燒Hunter落黃泉之時，出版社內部有人向傳媒透露，冨樫會生性認真工作，獵人都即將重展連載！你呃人！唔偷懶嘅冨樫根本唔係冨樫，究竟係咩一回事，快啲講出真相好喎！！

出版社條友仔就話，雖然大家對於冨樫老師長期休刊已經覺得理所當然，但今次就唔會長期休刊，冨樫老師都打算好好工作，不過為咗有至少3回以上嘅連載，而家要儲定啲稿，所以下星期未能復刊……………哦，你咁講我咁聽啦，一於放長雙眼睇下Hunter幾時連載返啦…………。