之前雖然已經有傳主角東方仗助會由山崎賢人飾演，但好多人都覺得山崎賢人呢啲小清新臉蛋同《JoJo》啲風格好唔襯，不過現實中，又似乎好難搵到《JoJo》風格嘅人樣嘅，只不過又係山崎賢人……好悶呀！

《JoJo的奇妙冒險》第四部——不滅鑽石真人電影由東寶同華納共同製作，由三池崇史執導，除咗之前傳過嘅山崎賢人正式確認為主演之一外，小松菜奈同山田孝之有份演嘅傳聞都落實咗，一齊睇下仲有咩演員會參演啦！