「朋友我當你一秒朋友 朋友我當你一世朋友」Eason嘅《最佳損友》唱出唔少人嘅心聲，但你有冇諗過點解「舊知己在最後變不到老友」先？好有可能就係你當人係寶，人哋就當你係草囉！真正嘅好友同損友之間究竟有咩分別？外國網站lifehack就post咗8張圖教你分，咩叫真正好朋友。

真朋友︰明白每個人都會有唔同嘅朋友，唔會因此而責怪你。

壞朋友︰就係唔likey你其他朋友，吹咩！

真朋友︰知道讓你有私人時間獨處都好重要。

壞朋友︰就係鍾意搵你攝時間、霸晒你啲時間，吹咩！

真朋友︰為你嘅成功感到開心。

壞朋友︰我就係葡萄你咁好景呀，吹咩！

真朋友︰接受真正嘅你。

壞朋友︰我就係唔鍾意你咁，要控制你同改變你呀，吹咩！

真朋友︰享受大家討論交流嘅時間。

壞朋友︰我淨係要你知「我永遠是對的！」吹咩！

真朋友︰彼此互相尊重。

壞朋友︰就係鍾意搵你出氣發洩呀，吹咩！

真朋友︰我搵你，因為我想你。

壞朋友︰我搵你，因為我想用你。吹咩！

真朋友︰會關心你同情你。

壞朋友︰見你死緊係要踩多你一腳，吹咩！