猶記得早前「荷里活女星裸照事件」初初爆出，驚見網上流傳的名單中有「妙麗」愛瑪華生(Emma Watson)嘅時候，我真係期待卻又怕愛傷害。話哂佢呢七年換左八個男朋友，而且個個都體型健碩而又血氣方剛，如果「妙麗」真係同「天真嬌」一樣比「黑魔法」感染左我人生仲有咩意義呢？

但睇黎依家咩都無所謂啦！因為女神盛傳已經搬左去同新男友Matthew Janney同居。早兩日英國《每日郵報》就拍到一身便裝又素顏嘅女神喺屋企門口搬嘢上男友車，然後搬運工人接手搬埋啲傢私。

女神同男友由上年年尾開始拍拖，男友Matthew Janney係牛津同學，比今年芳齡廿四嘅女神細兩年，但身為牛津大學欖球隊嘅成員，擁有一身橫練嘅閃令令肌肉，又確係幾有型嘅！

放心啦女神，唔使擔心我，我會好好過日子架啦！