相信各位Gentlemen都深信自己對於「性」呢樣嘢有好深嘅認識，由事前、事發到事後所有步驟同花式都可以「一一去數清楚」。但識得「做」就唔代表你識得咩叫做「性」，而如果你想知道世界各國的「性特點」，就要睇埋以下呢個由OnePoll.com收集各種有關性的調查而得出的全球性地圖！

1. 男人的夢想國－奧地利

奧地利人一生平均有29.3個性伴侶，主要是奧地利男士們「努力」的結果。

2. 還是男人的夢想國－紐西蘭

調查顯示紐西蘭人一生中會有20.4個性伴侶，雖然唔夠奧地利人多，但紐西蘭人係靠女士們的努力。換言之如果你係奧地利男人，你可以搵到好多女人；但如果你喺紐西蘭，就係有好多女人搵你！真係分唔到邊個吸引啲啦！反正以後紐西蘭除咗羊多過人同「魔戒」之外，又會多一個吸引遊客嘅好理由！

3. 最佳情人－西班牙

冇錯，唔係浪漫之都法國，而係充滿熱情的西班牙！調查指充滿藝術細胞的西班牙人是最懂得討人歡心的情人！

4. 最差情人－德國

德國人對於效率的追求和嚴謹，相信不需要我多講大家都好清楚。但呢種非常實事求是的思想方式就令到佢哋成為世界最差情人－當然還有另外一個理由是因為佢哋體味濃厚……

5. 世界最快－泰國

以難分真與假聞名的泰國，原來仲有「世界上最快的男人」這個稱號，因為佢哋嘅平均啪啪啪時間只有十分鐘，即係你睇一集電視劇可以啪四次，每次廣告仲可以休息添！

6. 世界最持久－巴西

30分鐘。不解釋

留名等睇有人話可以30日。

7. 世界最大－澳洲

喺紐西蘭隔離嘅澳洲，憑住女士們平均上圍Cup數達到D Cup或以上，成為「世界最大」。有一啲內衣生產商甚至為澳洲女士專門生產了K Cup的內衣！「K」呀！第十一個英文字母呀！連「宇都官紫苑」都係J咋！我……我要索「K」！！

8. 世界最萬能－瑞典

調查顯示瑞典是擁有最多雙性戀人士的國家。

9. 世界最忠誠－希臘

世界上最忠誠的唔係狗，因為根據Durex的數據，希臘男人先係世界上最忠誠的。

10. 世界最神聖－印尼

印尼爪哇省有座名為「Gunung Kemukus」的性愛山，每年會有數千人聚集舉行所謂的「Pon」，即係與不同的陌生人造愛。相傳有助改運。

11. 最173－印度

你記得我之前分享過有關印度性教育嘅短片嗎？超級保守的印度人對於性一向採取「唔好提、唔講得」嘅態度。但所謂越壓抑越刺激，當傳說中的性愛熱線(即係173-173-173每六秒六毫)進軍印度時，就曾經掀起一股旋風！不過印度男人好快就因為收費昂貴而卻步。

12. 最博愛－法國

雖然失落最佳情人，但法國人的「博愛」仍然值得我哋學習！數據顯示41%的法國人參加過群交，27%曾經試過換妻。除此之外法國仲係口交最頻繁的地方。

13. 最紅燈－以色列

講起姐燈區，大家可能會諗起荷蘭、日本新宿歌舞妓町甚至係東莞，但其實全球擁有最多妓院的城市是以色列的特拉維夫，擁有超過250家妓院。作為參考，現時香港總共有大約235間M記。

另外，特拉維夫亦是對同性戀最開放的城市之一，每年一度的世界同志遊行，吸引數以十萬計的男男、女女、雙性及誇性別人士前往「朝聖」。

14. 最SM－美國

美國的SM文化非常蓬勃，順帶衍生出大量SM產品。連有關BDSM的電影《格雷的五十道陰影》都就黎上畫囉！

15. 最多人－日本

對於日本性文化大家都好有研究，所以我就唔多講。但你未必知嘅係目前「最多人一起做愛」的健力士世界紀是由日本所創，當時集合咗250對男女喺同一個倉庫內同時做愛