好多人都驚睇牙醫，就算你係一個雄糾糾嘅男子漢，喺牙醫個鑽之下大概都會忍唔住縮一縮，我亦知道好多人就係因為驚，所以牙痛都唔去睇醫生！但要保持牙齒健康，點都要搵啲專業人士睇下，不如就去搵呢位西原愛夏？

西原愛夏係一位日本寫真女星，早在16歲嘅時候就已經喺東京街頭被星探發掘，並開始從事藝能工作，但到高中畢業之後就暫停演藝事業，專心去讀牙齒衛生員(唔準確地講就係幫你洗牙，而唔係剝牙嗰個)嘅專業資格，到2017年考到啦，先再次開始藝能活動，近來更加成為寫真女星。或者係由細到大都學芭蕾舞嘅關係，西原愛夏身材非常好，再加上一雙楚楚可憐嘅眼睛同個微嘟嘅櫻桃小咀，能夠由佢幫你洗牙簡直係上世積落嘅福氣！而且有個靚女望住大家就算痛都唔敢認啦係咪？