天氣開始熱，往年呢啲日子呢啲天氣，大家喺條街到已經可以睇到唔少背心短褲短裙飄黎飄去，Feel到有個太陽由丹田湧上黎咁，但今年呢…Sorry我唔知，因為我已經好耐冇出過街啦，我連個太陽都唔係好見到，我睇到最接近嘅太陽嘅嘢，就係呢個Kaiti Mackenzie啦！

點解話Kaiti Mackenzie似係太陽？除咗因為我好膚淺地見到佢有一頭火紅頭髮之外，最主要嘅原因係佢IG上嘅相真係充滿陽光氣息，仲成個畫面都係實際上嘅陽光，映照出佢嘅灰藍色嘅眼珠、白晢嘅皮膚都相當吸引。當然，如果你對咩太陽藍眼白皮膚都冇咩興趣嘅話，佢個IG都有唔少泳衣相嘅，都應該滿足到你嘅。