唔少女仔細個都有學下彈琴，父母覺得可以培養下個女嘅氣質，考學校又加分。但無論最後考到幾高級，大部人長大之後同彈琴最接近嘅時候，就係用電腦打字嘅時候。咁但係你話學琴係咪完全冇用呢？又唔係喎，因為你可以學呢位「Leezy」咁，開個Youtube Channel彈琴都好多人睇架！

嗱事先講明，我係完全唔識彈琴，對音樂嘅認識都只係停留喺流行曲嘅水平，但呀Leezy個Youtube啲彈琴片我都全部睇哂。你唔好以為我係因為覺得佢係靚女先睇，佢啲彈琴片唔係好見到個樣架咋，但就見到個心口咁囉…我都係睇佢啲片先知原來彈琴都可以咁有動感架咋！