本文青有一位「大魔法師」朋友(如果你唔知咩係大魔法師，請自行Google)。為咗改變佢個頭嘅顏色，我哋都介紹過唔少女仔畀佢，其中有一個女仔樣又唔錯，性格又爽朗，雖然就冇咩身材，但都不失為一個好對手！初頭佢哋發展得都幾好，點知突然條仔縮沙，仲一縮就縮到同條女斷絕來往。我哋緊係質問條仔做乜鬼嘢，點知佢用踩到屎嘅語氣同我講：「條女，Cosplay架！」

膚淺，膚淺，實在太～～～～～膚淺！難怪你個頭到依家都仲係青過青苔！係，Cosplay呢家嘢唔係個個都好，但講到尾都係一份興趣，同你鍾意打機有咩分別？況且佢係一個女仔黎喎！Cosplay喎！有時山珍海錯日日食你都悶啦！但佢換件衫就係另一個人啦喎！你諗有幾多可能嘅性？(我冇打錯字架！)

即係若然你咁都唔明，等我請出曾經親身示範「開胸衫」嘅日本Cosplayer御伽ねこむ黎做個例子。

你睇你睇，Cosplay動漫人物，好合理

Cosplay學生妹，亦都冇問題

Cosplay老師護士兔女郎，直頭係Fit添啦！

跟住再換返套日常服，真係二姑都頂唔住！

See？明啦嘛？其實Cosplay，真係冇咩好怕架！

……除非係Cosplay男囉！