近兩日有單新聞，是指一個日本女性在網上討論區留言，指本來孤寒、三分鐘熱度又唔鍾意打機嘅男友迷上咗《Puzzle & Dragon》(以下簡稱P&D，又稱「轉珠」)，而且沉迷到完全唔理女朋友。女友於是火上心頭，盛怒之下襯男友沖涼時將P&D成個剷咗，仲話估唔到Delete個Game只係用咗十秒鐘。

到男友出黎嘅時候佢仲話：「登登～我Delete咗P&D啦！」結果男友大為震驚：「咩話？Delete咗？點解你要咁做？我完全唔理解你，分手啦！」

最後女事主在留言中問道：「究竟P&D係咪比我哋一齊相處嘅所有嘢都重要？究竟係你嗰500個小時戰績，定係我哋之間嘅一年更加重要？」

如果你同為一個P&D玩家，你可能覺得：「死八婆Delete完仲『登登～』喎！唔中出先飛咪算偷笑囉！」；如果你係一個女人，你又可能會覺得：「下搞錯呀！點會為咗隻Game唔要個女朋友架，呢啲無聊Game有咩咁重要呀?」

既然係咁，就等本文青話個答案你知：喺呢個故事入面，500小時P&D成績，唔重要；個女朋友相處咗成年，都唔重要；最重要嘅，係條女將自己放喺一個咩位置。

讓我哋假設，女事主唔係偷偷哋Delete隻Game，而係明刀明槍地搶咗男友部電話，威脅要Delete隻Game。咁呢個時候，條女應該有句對白係：「你講！你揀隻Game定揀我！？」咁你估個男人會點答？

一個智高正常嘅男人心入面都會即刻諗到答案：Why not both？女人爭寵時問嘅「揀佢定揀我」，就等如thisAV問你：「你以後想J波多野，定吉沢明步？」而男人嘅答案一定係：「你都痴_線，憑啲咩要我二揀一？我唔單止要J波多野，又J吉澤明步，仲有咩RIO、白石媽媽、上原亞衣、麻倉優我通通要J，你咬我食呀家陣？」

咁有冇女人會繼續問？有！有冇男人會好似我咁答？都有，但佢一定係唔再愛個女人。因為男人都知道，要女人接受殘酷現實，比起要香港政府落實「真普選」仲難。所以即使男人幾咁羨慕人家女友有D級E級，而同自己女友做就好似喺iPad玩Candy Crush，只要佢仲愛個女人，佢都唔會講真話－－「最緊要啱手型，我隻手都冇咁大！」幾悲壯呀！

好多女仔都習慣利用類似嘅二元對立、非黑即白題黎逼宮，「你睇AV即係唔愛我啦？」、「你連Pandora都唔畀買我即係唔愛我啦？」、「你連凌晨3點買雲吞麵黎沙頭角畀我都唔得即係唔愛我啦？」，如此例子俯拾皆是。事實上只要女人提出呢類問題，一個仲愛佢嘅男人根本就冇退路可言，但正正因為冇退路，兩害取其輕先會選擇安撫你呢部iPad。而呢件事嘅女主角最唔明智嘅就係直接Delete咗隻Game，對於個男人黎講，就已經唔係「揀佢定揀我嘅」選擇題，而係「呢個八婆係咪痴咗線」嘅是非題。答案，呼之欲出啦！