通常為咗方便大家記住佢，日本寫真女星都會搵啲個人特點出黎做宣傳，而呢啲特點通常都係啲「咩Cup」、幾可愛呀、對腳幾長、皮膚幾滑之類嘅好事，但今晚要介紹嘅呢位「我妻ゆりか」，佢嘅特點就係身體上嘅殘疾，事關佢聽力有問題，自細就要戴住助聽器。

圖片：yurikatsupa on Twitter、wagatsuma_yurika on Instagram

據《週Play》同佢嘅訪問，我妻ゆりか指自己由幼稚園開始就出現聽力問題，老師點名時因為聽唔到冇反應而被發現，所以必須佩戴助聽器，亦要特別學習發音。亦因為身體上嘅障礙令佢小學時過得特別艱難，亦冇識到朋友。去到初中之後佢選擇一改以往文靜嘅說話方式，改以明亮大聲嘅說話同同學打招呼，結果就識到一大班朋友。

圖片：yurikatsupa on Twitter、wagatsuma_yurika on Instagram

而雖然聽力有問題，但我妻ゆりか長大後就成為一個樣靚身材正嘅美少女，亦開始做模特兒，更成為寫真女星。佢話細個睇電視就冇見過有明星係戴住助聽器，但佢想挑戰成為第一個。