現年36歲嘅松本真理香出道已經接近21年，初期做過聲優、演員及寫真女星，但都無咩人氣。直到2018年憑日劇《Holiday Love》飾演偷食人妻一炮而紅，獲得唔少曝光率。近年更參演多部日劇，例如《龍之道雙面復仇者》、《妖怪合租屋》、《消除老師的方程式》以及有木村拓哉嘅《教場2》。出色嘅演技加上迷人外表，令佢擠上ORICON 2019年《爆紅女優排行榜》第十位，可以講係大器晚成。