今年22歲嘅中日混血兒「あのん」，起初以藝名「みかみ」做賽車皇后（Race Queen）參加各項賽事，後來於2019年11月23日喺Twitter突然改名為「あのん」並同時宣布加入日本偶像團體「Predi」進軍演藝圈。最近佢就喺2020年「日本賽車皇后大賞（日本レースクイーン大賞）」奪得最優秀新人獎，隨即就被日本雜誌「週刊Playboy」邀請拍寫真，人氣有增無減。

由於家庭關係，あのん細細個就識日文同中文，喺大學更主修英文，三文三語都難佢唔到。而且佢亦好照顧各地粉絲，除咗有Twitter同IG，近排仲開埋微博同中國粉絲交流。

あのん份人鬼馬又識玩，有時會用螢光筆塗走重要部位衣物，先再Post上Twitter，引起粉絲們無限幻想。