最近好似介紹咗唔少十八廿二青春少女，為咗照顧唔同喜好嘅朋友，今日就介紹一位成熟性感人妻。今年30歲嘅「柳いろは」（柳伊吕波），2014起加入寫真界，以E奶身材喺寫真界走紅，同佢一樣身材火爆嘅妹妹「柳ゆり菜」（柳百合菜）亦喺同年出道，姊妹二人更被稱為寫真界「E奶姊妹花」。

佢由出道至今總共推出咗8張寫真DVD，同時經常為雜誌拍攝寫真，以成熟性感路線收穫唔少粉絲。雖然經常有人拎佢同妹妹比較，指妹妹比較紅又有機會出演多部日劇，但我就覺得兩位各有特色。

直到2019年，「柳いろは」同歌手板床悠太郎拉埋天窗，升格成為人妻，不過寫真事業並無停止，就喺今年2月就出咗新寫真DVD。即使踏入3字頭，仍然充滿魅力，絕對唔輸蝕比十八廿二少女。

資料來源：instagram@irohayanagi、twitter@iroha_1204