唔知大家有冇印象喺幾年前我哋曾經介紹過一位索爆OL 「林ゆめ」？佢近年憑住出演真人Show節目《雙層公寓》而瞬速走紅，更連續兩年被提名入圍「全球百大美女排行榜」，事業蒸蒸日上。最近再次被雜誌邀請拍寫真，以性感內衣造型大晒火辣身材...

今年25歲嘅「林ゆめ」起初只係一間IT公司嘅普通OL，後來被發掘加入寫真界，又因為機緣巧合下參加「頭文字D」外傳《MF GHOST》寫真活動而撈埋賽車皇后（Race Queen）。入行無耐就拎到最佳新人獎，隔年就直情攀上賽車皇后界頂峰，獲得「18-19 年度賽車皇后」殊榮，擁有19吋織腰嘅「林ゆめ」更係歷代冠軍入面腰最幼，所以又被外界稱為「新世代纖腰女王」。

佢拎完冠軍後就宣布離開賽車皇后界（打爆機？），同年以化名「吉田夢」出演真人Show節目《雙層公寓》。有次喺節目入面「淫賤社長」新野俊幸問起 「林ゆめ」性驗經嗰陣，當時24歲嘅佢就大方自爆曾經同20-30個人發生性關係，網友就以佢自我介紹時講過只有9任男朋友作推算，估計佢最少有10個以上性伴侶，可以見到「林ゆめ」唔止身材火爆，性觀念亦非常開放。

即使節目最終因為木村花慘劇而腰斬，但仍無阻「林ゆめ」人氣上升，佢更喺2019年及2020年被提名入圍「全球百大美女排行榜」。最犀利嘅地方係佢直到依家都仲做緊OL，寫真女星、賽車皇后、演員全部都只係佢副業，但Part-time都拎到咁多成就，你叫全職嘅女仔情何以堪呢？

資料來源：twitter@H_yume_1018、instagram@___yuume.18