相信有留意開寫真界嘅朋友，對「今野杏南」呢個名絕對唔會陌生。雖然佢曾經喺2017年話過「寫真引退」，表示專心發展演戲事業，但事隔4年突然無預警宣布推出「電子限定」寫真集，踏入30歲後再次展示火辣性感胴體！

由於已經4年冇影過寫真，「今野杏南」表示當初收到雜誌社邀請嘅時候非常開心，好彩一直有做gym保持身材，仲話有時候見到自己身材咁好，冇人欣賞到會覺得有啲嘥料。今次終於如願以償，相信無論係佢本人定抑或粉絲都會既興奮又開心。（以下照片為經典重溫）

今年32歲嘅「今野杏南」，讀緊中三嗰時已經參加綜藝節目出道，2011年推出首張DVD進軍寫真界，短短6年間就拍咗20張寫真DVD，直到2017年宣布「寫真引退」，往後專注演藝事業發展，近年出演過日劇《歡呼》、《麒麟來了》，以及電影《啊，荒野》等等。唔知今次突然出返寫真，係咪代表佢打算再戰十年呢！

資料來源：twitter@konno_anna、instagram@anna_konno0615