所謂嘅原石美女，顧名思義就係未經雕琢就已經發光發亮嘅靚女咁解。今日介紹嘅「月埜ヒスイ」本身係一位地下偶像女團成員，但就因為上過雜誌露出半球而聲名大噪，大家又覺得佢有冇潛力喺將來大放異彩呢？

「月埜ヒスイ」目前係地下偶像女團「アンスリューム」成員，出道一年已經成為團內最受歡迎嘅成員。皆因佢3月嗰陣被雜誌「週刊ヤングジャンプ」邀請拍寫真，首次以水着造型曬出佢深藏不露嘅驚人身材，繼而一夜爆紅，Twitter粉絲數目瞬間拋離其他成員。唔知佢見到反應咁好，有冇打算離團單飛轉行做寫真女星呢？

由於「月埜ヒスイ」係地下偶像加上出道冇耐，佢嘅年齡、三圍、出生地、學歷全部都係一個迷，但見到佢喺Twitter話過自己唔使返學，推斷佢只係20出頭。至於三圍方面，就交畀各位專家話返畀我知究竟係咩Cup（我唔識呢啲㗎）。相信隨住佢愈嚟愈紅，會陸續有更多身世資料曝光，期待佢日後嘅作品。

資料來源：instagram@inunuwan__、twitter@anthurium_hisui