喺上個周末，最令人印象深刻莫過於土耳其女排喺分組賽爆冷3：0擊敗中國隊，唔只睇到各位觀眾嘩嘩聲，當中身穿18號球衣嘅副攻手「Zehra Güneş」，更憑出色球技以及甜美外貌成為眾人焦點。

今年22歲嘅「Zehra Güneş」，身高197cm。2015歲就以16歲之齡參加世界青少年女子排球錦標賽，獲得「Best Middle Blocker」稱號。2018年正式加入土耳其國家隊，並為國家勇奪過多次三甲獎牌。喺上場對戰中國嘅賽事入面亦交足功課，憑著197cm身高攔下多次中國隊攻擊，並以出色快攻為球隊貢獻11分。

除咗球技精湛之外，佢間唔時就會喺IG分享靚相，差唔多每張相都笑容滿臉，令人睇完都有種「被治癒」嘅感覺。聽日（27日）佢將會喺香港時間3：25pm對戰意大利，有興趣嘅朋友記得密切留意啦！