雖然睇落弱質纖纖嘅女士可以挑起雄性保護欲望，但如果太過瘦，骨杉杉咁樣又會唔健康兼唔美觀。相反，豐滿得嚟有線條又帶點可愛氣質就最吸引，就好似今日介紹呢位「大河もも」咁樣！

「大河もも」係一位擁有20幾萬粉絲嘅人氣Coser，年齡不詳，不過佢曾經就講過自己從細就學習芭蕾舞，並且學咗成12-13年，估計佢應該都係廿歲出頭。目前未有事務所，都係以自由身身份出寫真集、參加攝影會及Cosplay活動，憑住肥嘟嘟肉感身材收穫粉絲。

除咗身材豐滿之外，「大河もも」另外一個吸引人嘅地方就係個雙迷人臥蠶眼，加埋個粒生得好「啱位」嘅淚癦，令佢眼神電力十足，迷倒唔少男士。