唔經唔覺又中秋，嚟到人月兩團圓嘅日子自不然要做返啲應節活動！除咗食月餅、玩燈籠，當然唔少得要賞下月，可惜今年情況特殊唔太適合出街玩。但唔使唔開心，其實喺屋企都可以賞到月嘅！

粵語文化博大精深，除咗粗口可以融入喺每句說話之外，當中亦有唔少一詞多義嘅詞語，例如「靚仔」又唔一定係指靚嘅男仔，可以指白飯，而「八月十五」都唔一定係指中秋節/日期。至於點解會點變成臀部，有人就話因為形狀好似八月十五嘅月亮咁圓，所以先有「洗定八月十五等住坐監」呢類俗語出現，不過實情係點就無從考究。最後祝大家能夠團團圓圓，中秋節快樂！