如果大家有啲印象，早幾年我哋曾經介紹過一位叫「十味(タレント)」嘅可愛日本妹妹，由於當時即將踏入令和年代，而佢又以極高人氣出道，所以日媒幫佢起咗個朵叫「平成最後的奇跡原石」。事隔幾年，昔日呢粒「原石」已逐漸成器，除咗喺寫真界平步青雲，上年更組成偶像女團「#2i2」進軍樂壇。

今年22歲嘅「十味」自2018年被星探發掘出道，憑住眼大大可愛樣貌，生得嬌小（149cm）但上圍一啲都唔小嘅身材，吸引唔少「妹控」男士關注，IG差唔多有26萬Fans。佢喺上年推出完首本個人寫真集後，年底就聯同「奥ゆい」、「天羽希純」、「青木りさ」、「森嶋あんり」4人組成女團「#2i2」進軍樂壇，並希望2年之內能夠喺武道館開演唱會。

雖然「十味」做咗偶像，但佢冇因此而放棄拍寫真，上個月身穿Bikini去咗海邊大曬身材，展示畀大家睇咩叫集性感與清純於一身，更加玩到成身都係沙添，唔知呢粒「原石」最終會成咩大器呢？