雖然《今際之國的有栖》咁多位女主演入面，「水崎綾女」嘅戲份確實唔多，但就成功演活咗為求目的，不惜出賣身體嘅性感OL而備受關注。強勁嘅人氣亦令佢時隔近10年回歸再拍寫真，展示成熟女人魅力。

今年32歲嘅「水崎綾女」早於2004年喺由Horipro事務所舉辦嘅「Horipro Talent Scout Caravan」活動贏得週刊ヤングサンデー大獎出道做寫真偶像，當時仲有個朵叫做「平成出生的F罩杯」。多年嚟客串過唔少電視劇、舞台劇積極轉型，直到2015年喺《進擊的巨人》真人版電影扮演單親媽媽Hiana成功喺影視界打響名堂，並喺2017年日本電影《光》憑住出色演技深獲觀眾肯定，晉升為實力派演員。

其實自從佢轉型做演員開始就冇再拍寫真，之不過隨住《今際之國的有栖》爆紅，令佢相隔多年再拍性感寫真，除咗身材依舊咁魅人，仲多咗一份成熟韻味，希望之後可以見到佢更多作品啦！