{ SKIP }
文:MenClub 魏文青  
POSTED ON 23 Nov 2021

講起性幻想,大家都可能會覺得係因為「得唔到」所以先要幻想,不過美國性學家Lehmiller博士最近就整理出美國人最常有嘅「性愛地點」幻想,發現其實最常見幻想地點,其實亦係最平常嘅地點。

今次同上星期分享過嘅「制服幻想」屬同一系列,都係Lehmiller博士用佢之前收集嘅超過四千名美國成年人嘅資料整理出黎,實際問題非常簡單,就係問受訪曾經幻想過喺咩地方做愛 (可複選)。結果發現,最多人幻想過嘅性愛地點就係「自己張床」 (91%),其次就係「自己屋企,但唔係睡房嘅地方」 (90%),第三名就係「酒店房間」 (90%),其實都係非常合理、而且絕對可行嘅做愛地點。

而頭十名中仲有「大自然」(85%)、「公眾地方」(84%)、「異國情調 (Exotic) 的地方」(83%)、「水中」(83%)、「浪漫氣氛的地方」(81%)、「汽車中」(77%)以及「工作地點」(73%)。 

Lehmiller博士分析,指「自己張床」之所能夠榮登榜首,正正就係因為佢係大家最熟悉、最有安全感嘅地方,而且就係因為大家平時做愛都係喺自己張床,所以幻想時亦會用自己張床黎做場景。證明「幻想」呢家嘢唔係要做大家未做過嘅嘢,反而係複製緊大家平時做開嘅嘢。

另外Lehmiller博士亦進一步分析性愛地點幻想與依附模式 (Attachement Style)嘅關係。據佢講,擁有焦慮依附特徵 (Attachement Anxiety,即係經常害怕被拋棄,不停需要安全感) 嘅人,就更傾向幻想於自己張床上做愛;反而有迴避依附 (Attachement Avoidance,顧名思義啦下) 嘅人就相反。

當然,必須要留意嘅係上述調查係複選,亦即一個人可以同時揀「自己張床」同「工作地點」,只係「自己張床」係最為常見咁解,所以唔能夠單憑一個人幻想喺自己張床做愛就話佢係「焦慮依附」。大家又對邊個地方有幻想?

資料來源:sexandpsychology.com

每當提起日本特攝劇,大部份人都會諗起嗰幾部非常出名嘅作品,甚少人認識《牙狼》。今日介紹嘅「南里美希」就係憑住當年出演《牙狼<GARO>~照亮黑暗的人~》走紅,並一直活躍於Model界... ...
girls
【深夜】日本特攝名模「南里美希」出道13年推出首本個人寫真
30 Nov 2021
眾所周知《幪面超人》系列多美女主演,但其實另一套特攝經典系列《超級戰隊》都唔輸蝕㗎,就好似今日分享嘅「大久保桜子」,佢曾經喺《宇宙戰隊九連者》飾演過綠色戰士,後來更憑住相當凸出嘅外表進軍寫真界。 ...
girls
【深夜】日本性感特攝女星「大久保桜子」
29 Nov 2021