發現近期「深夜系列」介紹嘅都係比較火辣嘅女仔，深怕大家會睇到審美疲勞，今日就介紹一位擁有鄰家女孩氣息嘅少女畀大家識，偶像女團「Morning娘。」成員「森戸知沙希」。

今年21歲嘅「森戸知沙希」細細個就開始學跳舞，最初以在地偶像身份進行表演，直到2014年加入女團「Country Girls」正式出道，並喺2017年移籍到「Morning娘。」成為第14期成員活躍至今。除此之外，佢自從加入「Morning娘。」後就大約每年都會出一本寫真集，展現鮮為人知嘅一面，性感程度點到即止，散發住一股鄰家少女氣息，帶畀Fans一種莫名嘅治癒感，如果你都鍾意嘅話就要密切留意佢嘅動態喇。