日本好身材嘅女仔非常多，但要講到不論男女都認可嘅好身材，擁有172cm身高、比例係九頭身、多次被稱為完美Body嘅菜菜緒敢認第二，真係唔多人敢認第一。不過近年菜菜緒轉型做演員，加上年紀漸長，水著寫真已經買少見少，而呢個時候，就有個被稱為「菜菜緒」二世嘅年輕寫真女星出現！佢就係今晚要為大家介紹嘅「黑木麗奈」！

現年21歲嘅黑木麗奈於小學五年級時就已經被星探發掘，中學一年級正式開始模特兒工作，2017年時年僅17歲嘅佢，就已經憑172cm身高、股下83cm (日本計腳長係由Pat Pat以下開始度，而非褲頭開始)九頭身比例、，獲選為日本著名嘅「三愛水著樂園」第17代Image Girl。因為無論身高、身形以至出道經歷都與菜菜緒相似 (菜菜緒係三愛嘅第10代Image Girl)，所以當時就被稱為「菜菜緒二世」。

而黑木麗奈更青出於藍嘅，係雖然佢擁有典型模特兒時嘅大長腿及纖細身形，但樣貌就冇模特兒嘅拒人於千里之外氣質，反而仲幾可愛；而且上圍亦唔係平平無奇，反而仲幾有料。整體比起菜菜緒更易吸引男性嘅注意力。不過目前黑木麗奈嘅演藝事業就未有太大突破，或者就係等緊香港Fans們用力從後推佢一把！

圖片：rena__1126 on IG