唔少日本女星都係少年、甚至童年時就已經出道，到長大成人就已經累積人氣及作品，進入人氣爆發嘅時期；但當然亦有啲人係長大成人後先加入藝能界，而且再浸多幾年先迎黎第一個事業高峰。好似今晚要介紹嘅呢位「浦まゆ」咁，就用咗7年時候先開始走入大眾目光！

翻查資料，浦まゆ於高中時加入跳舞社團，曾經參加過全國大會，當時嘅佢已經希望成為偶像，實際上亦真係參加過模仿韓國少女時代而成立嘅「NPSD」，結果好明顯就係唔成功。直到2015年加入新經理人公司後，就改為以演員為主，於當年TBS 60週年戲劇中正式出道，2017-2019年間多次於TBS偵探劇「浅見光彦」系列中飾演「吉田須美子」一角，直到2020於內田理央主演嘅話題作《來世要好好地做 (来世ではちゃんとします)》出演小梢一角，先隨劇集而紅。到目前已經係有十個廣告喺手嘅知名女星。

為咗增長人氣，浦まゆ亦開始為雜誌拍攝寫真，其中去年為《週刊Playboy》拍攝嘅寫真更係透點上陣，展現28歲輕熟女嘅性感姿態，最近亦與《FLASH》合作推出寫真特集，繼續展現其美態。好老實講，論身材浦まゆ就真係冇咩睇頭，但當啲寫真差啲睇到佢個「頭」，唔知點解又覺得幾吸引……