作為男人，我哋好知道大家都係貪新厭舊，加上日本寫真界真係日新月異，所以即使有啲我哋介紹過嘅寫真女星繼續活動、甚至再創好成績，我哋都好少會再介紹。結果到我再搵返佢哋嘅新聞時，先知佢哋已經寫真退役。好似「今田美櫻」就係其中之一啦。

我哋曾經於2018年介紹過當時20歲嘅今田美櫻，當時佢挾住「福岡最可愛女生」之名殺入水著界，成為當年嘅水著界超新星。事隔4年，今田美櫻已經靠水著寫真闖出一條血路，近年多以演員身份活動，更於2020年推出最後一本寫真集《Last Shot》，宣佈不再性感。當日寫真集推出3日就已經2次再版，可見大家幾咁鍾意佢嘅水著寫真。但依家就只能睇下佢啲舊寫真啦。

呢個故事教訓大家，真係要珍惜眼前人呀！

圖片：imada_mio on IG