如果你有留意日本演藝新聞，有時會見到傳媒用「正統」黎形容一個女仔，但你又有冇諗過一個「正統女仔」究竟係一個點嘅女仔？「正統」又係一個點樣嘅審美標準？我就用今晚介紹嘅呢位「運上弘菜」黎解釋畀大家知！

來自HKT48嘅運上弘菜自出道起就被稱為「正統美人」，早前開始拍攝寫實後亦因為「正統美貌」而獲得注意。而所謂「正統」，其實就係指日本人眼中嘅「標準美人」，其中最大嘅特點就係「自然」，即係妝容唔會太過濃、打扮唔會太過奇特，黑長直髮、皮膚又白又好咁，而且通常感覺都係知書識禮、行為端莊嘅乖乖女。而運上弘菜就符合哂以上嘅特質啦！

如果你都係唔明，「正統美人」簡單黎講就即係香港人講嘅「Girlfriend-able」，佢未必能夠引起你心目中嘅獸性，但就會令你好想保護佢免受 (除咗你之外嘅) 一切傷害。而且「正統美人」通常都係最能獲得大眾認同嘅一種「靚」，唔知大家又覺得運上弘菜如何呢？

圖片：nappi_0809 on Twitter