自從2019年日本轉用「令和」年號之後，日本傳媒就好鍾意用「令和最_」黎形容藝人，特別係新出道嘅藝人，當中或多或少都有「吹大咗」嘅成份。但今晚要介紹嘅呢位「沢口愛華」，近年就被譽為係「令和最強水著偶像」，睇返個成績，佢又似乎擔得起呢個名喎！

去年我哋就介紹過嘅沢口愛華，於2017年時參加家鄉名古屋嘅美少女選美比賽獲獎，後來就加入當地偶像團體「dela」出道，當時嘅佢就已有「名古屋美少女」之稱。到2018年佢又參加講談社舉行嘅「Miss Magazine 2018」，擊敗3000名日本少女獲得冠軍而一炮而紅，亦正式開始佢嘅水著事業。往後佢雄霸日本所有青少年雜誌，拍攝多輯寫真，亦因為日本踏入「令和」年代，所以佢就被稱為「令和最強」啦！

特別值得一提嘅係，去年4月沢口愛華宣佈離開原本嘅經理人公司，而且係罕有地冇再簽新公司，而係以自由身方式繼續工作，但即使失去經理人公司支持、即使喺日本呢個非常看重關係嘅社會，但佢嘅事業不升反跌，除咗水著寫真繼續出、繼續受歡迎之外，亦開始涉獵電台等演藝工作。可見佢唔單只樣靚身材正，仲係一個聰明女黎！