日本有唔少偶像團體，自然每年都有唔少人從偶像團體「畢業」，但好老實講，無論佢原本於團體內嘅人氣有幾勁，唔少成員畢業之後嘅人氣都會下降，所以有人於畢業後就決定直接離開演藝圈發展。好似前「乃木坂46」成員，被譽為「七福神」之一嘅中田花奈，於2020年畢業後就決定成為「職業麻雀士」，反而殺出一條新路。

中田花奈乃係乃木坂46首批正式成員之一，與著名嘅白石麻衣同期，二人嘅畢業日期亦只差三日。中田花奈於隊伍中以聰明著稱，曾經贏得團體綜藝中「頭腦王」嘅稱號，後來因為出演舞台劇而接觸麻雀，開始參加麻雀綜藝節目以至麻雀比賽，於2019年更加贏得TBS舉辦，乃木坂46、NMB48、AKB48成員參加、長達六小時嘅直播麻雀比賽冠軍。從團隊畢業後，佢於去年參加合格率只有一成左右嘅日本「職業麻雀士」考核試，並成功合格獲得職業資格。目前正為推廣日本麻雀而努力。

上面講咗咁大段，大家有冇發現中田花奈其實並非以身材、或拍攝水著寫真而出名？冇錯！因為就讀女校、成長時幾乎冇同男性有接觸嘅中田花奈個性其實非常怕醜，平時極少會拍攝水著寫真。直到2020年從團體畢業前，推出個人寫真集時，大家先可以見到佢嘅性感打扮，依家成為職業麻雀士後，拍攝水著寫真嘅機會就更低。所以大家都只可以睇返佢嘅舊寫真，再幻想下自己狠狠地上佢……啲牌啦。