事先聲明，其實我咃今年較早前已經為大家介紹過「岸みゆ」，咁點解我喺明知大家鍾意睇新面孔嘅情況下，又再拎佢出黎介紹多次呢？絕對唔係因為我搵唔到有咩女仔可以介紹，而係因為佢最近為《Young Jump》影嘅一輯寫真實在太~~~出色！我覺得我係有責任逼你哋睇哂佢。

卻說早前《Young Jump》就搵黎身為偶像團體「＃ババババンビ」成員之一、雖然已經21歲但身高只有145cm嘅岸みゆ拍咗套電子寫真，而且仲好有心機咁諗咗個主題叫「美人三姉妹」，簡單黎講就即係叫「岸みゆ」一人分飾三個性格迥異、但同樣誘人嘅姊妹。其中大家姐係充滿成熟知性美嘅OL、二家姐係短髮貓耳宅女，咁三家姐呢…呀係三妹，就係清純女子高中生，三個都有不同嘅萌點、而且身材都一樣咁好 (因為係同一個黎嘛)，真係好難揀呀！

咁當然，大家係可以學下豹頭黎講「我全都要」，又或者你可以冷靜少少，諗清楚其實三姊妹嘅背後都係岸みゆ黎！換言之你擁有佢一個，你就唔單止擁有哂三姊妹！仲有無限咁多其他可能性！嘩真係諗下都開心呀——畢竟大家都真係只可以「諗下」呀嘛。

圖片：miyu_kishi0213 on IG