日本陪酒女郎搵得多錢就唔係啲咩新聞，不過礙於社會大眾對於行業嘅偏見，大部份女藝人都會願意「下海」搵錢，就算真係下海都唔會講出黎。不過近日就有一名前偶像高調宣佈下海做陪酒，而且佢仲話「下海」係因為興趣！

現年23歲嘅志田愛佳，於2015年加入日本女子偶像團體「欅坂46」，但於2018年就被日本雜誌爆出佢去男性友人屋企過夜，疑似違反「禁愛令」，隨後佢就以身體欠佳為由暫停演藝活動，期間更傳出佢大肚嘅傳聞，最後佢於2018年11月正式從欅坂46畢業，並於2019年轉型為模特兒復出，2020年開設個人YouTube亦已經有超過10萬Followers，發展算係唔錯。

偶像時期嘅志田愛佳

不過佢於9月尾時，就突然喺社交媒體宣佈自己進駐「NEXT銀座」做陪酒女郎，佢話雖然知道大家可能會覺得驚訝，但其實做陪酒女郎係佢一直想嘗試嘅工作，亦都同屋企人、朋友商量過先正式決定，希望未來不論男女都可以搵佢玩喎。依家日本自由行又開返啦，大家有冇興趣？