早排Leonardo DiCaprio又話溝緊做咗媽媽嘅Gigi Hadid、轉個頭又話Brad Pitt對做咗媽媽嘅Emily Ratajkowski好有興趣，突然之間年輕嘅媽媽似乎好搶手咁。既然係咁，今晚亦為大家介紹一位來自日本嘅年輕媽媽，佢就係今年20歲嘅「聖菜」！

你冇睇錯，我亦冇打錯，原名「濱田聖菜」嘅聖菜今年真係20歲，而佢亦真係一個媽媽，佢個女今年仲要已經三歲，數數手指就即係佢17歲就已經大肚，令人感慨日本嘅少女有幾咁環保。熱愛涉谷「Gal系」打扮嘅聖菜，即使做咗媽媽都完全冇走樣嘅身材，目前唔單止係「Gal系」雜誌《egg》嘅專屬模特兒，最近亦與《Friday》合作寫真出道，展現姣好身材，相信事業會更上一層樓啦！

IG：seinaaa_0318