日式桑拿曾經於香港盛極一時，搞到班男人明明屋企就有浴室但都要出去沖涼。不過隨住尖東末落，桑拿亦買少見少，反而日本人就不論男女都繼續熱愛桑拿，更有非常多又靚又舒服嘅現代化桑拿店，甚至有人專門拍片為大家介紹。而拍片者唔係普通人，而係身材超級出眾嘅寫真女星「わちみなみ (和智南)」！

現年27歲嘅「わちみなみ」乃係日本名校明治大學畢業，自2016年加入寫真界後，就以「聰明、好身材」而聞名，其中好身材嘅部份大家睇圖都已經清楚了解；而聰明嘅部份，佢就曾經於一個綜藝節目中，試圖用半年時間準備日本第一大學「東京大學」嘅入學試，結果只係差兩分就成功合格，證明胸大嘅女仔唔一定係無腦嘅。

而近呢幾個月，佢就專心經營個人YouTube頻道，加上佢個人非常鍾意去桑拿嘅關係，所以短短兩個月內出咗十幾條桑拿介紹片，當中每條片都有佢著住性感泳衣親自「試焗」嘅片段，睇到佢打出個心口焗到面紅耳熱、香汗淋漓，全身閃令令個樣，定力差少少嘅，分分鐘睇完成條片都唔記得間桑拿係咩樣！

IG：wacchime