比起以往大家打死一份工，近年身兼多職嘅「Slasher」模式就更受年輕人歡迎。而以下要介紹要呢位「鹿目凛」就同樣係一位Slasher，因為佢既係一名偶像團體成員、同時又係一個插畫家、漫畫家，更重要嘅係，就係佢亦係一位寫真女星！

現年26歲嘅鹿目凛，18歲時就以偶像團體「Baseball Girl (後來改名為Baboga!)」嘅助理成員身份出道，同年10月升格為正式成員，不過你睇呢隊組合連個Wikipedia專頁都冇，就知佢哋嘅知名度頗為有限。好在當時鹿目凛有畫開插畫，而佢嘅作品就得到SKE48成員松井玲奈以及HKT48嘅指原莉乃注意，令其Twitter人數急增，後來更於雜誌開始連載四格漫畫，成功靠自己殺出一條血路。

2016年時，鹿目凛再進一步，參加《BUBKA》雜誌嘅封面計劃，首次拍攝寫真。後來佢加入另一個偶像團體「電波組.inc」，兼多次與隊內另一成員根本凪一同拍攝水著寫真，更令其人氣再進一步。不過近來根本凪因身體問題而引退，鹿目凛就開始以個人身份為雜誌拍攝寫真，其IG上亦有大量性感靚相。大家不妨去留意下啦。

IG：kaname_rin