對於「理想型女友」，每個男人都有唔同嘅睇法，有人追求開咗燈嘅視覺享受，有人追求熄咗燈嘅實用價值，反正就係難以一言蔽之。不過，近日日本就出現咗一位被媒體稱為「男人理想女友具現化」嘅寫真女星，究竟呢位「椿野ゆうこ」點樣可以滿足哂所有人嘅審美觀？

現年23歲嘅椿野ゆうこ，係日本偶像團體「ひめもすオーケストラ」嘅紅色擔當。出生於京都嘅佢，小學時就因為接觸到AKB48對偶像感到興趣，後來參加咗乃木坂48嘅握手會後更立下成為偶像嘅意志，但就一直等到高中畢業、考到入大學之後先通過試鏡，成功加入現時團體。而睇返網上嘅資料，佢其實係舊年8月先首次以個人身份為日本少年雜誌拍攝寫真，短短半年就於昨日情人節推出首本個人寫真集，可見佢的確係有一定魅力。

而佢最大嘅吸引之處，或者就係平易近人。雖然樣貌唔算天姿國色、身材亦唔算非常誇張，但就勝在應有盡有，整體而言都處於平均以上，加上佢嘅可愛甜美笑容，青春少女獨有嘅健康活力，組成一個令人非常樂意親近嘅形象。唔知佢又符唔符合大家嘅「理想女友」形象呢？

IG：tsubakinoyuko